დოქტორი თაზ ბჰატია M.D. სერტიფიცირებული ექიმია, რომლის მოღვაწეობის სფერო ინტეგრაციულ და გადაუდებელ მედიცინას, პედიატრიასა და პრევენციულ ჯანდაცვას მოიცავს. მისი კომპეტენცია ასევე ქალთა ჯანმრთელობას, წონის კორექციას, ჰორმონულ ბალანსსა და ნუტრიციოლოგიას მოიცავს. ექიმი ბჰატია ბესტსელერების „Super Woman RX“-ისა და „The 21-Day Belly Fix“-ის ავტორია. ოცი წლის ასაკში შექმნილმა პირადმა ჯანმრთელობის პრობლემებმა და ჯანდაცვის სისტემაში არსებულმა ხარვეზებმა ჯანსაღი ცხოვრების ალტერნატიული გზების ძიებისკენ უბიძგა. სარეზიდენტო პროგრამის მიმდინარეობისას, საკუთარი დაავადებების წინაშე უმწეოდ დარჩენილმა, განკურნების ახალი საშუალებების ძიება დაიწყო. მედიცინის სხვადასხვა სისტემის, მათ შორის ტრადიციული ჩინური მედიცინის, აკუპუნქტურისა და აიურვედას შესწავლისას წააწყდა იმ ცოდნის უმდიდრეს წყაროს, რასაც კლასიკურ სამედიცინო სკოლებში არ ასწავლიდნენ. ამ გამოცდილებამ ეროვნული მასშტაბით აღიარებული კლინიკის, CentreSpring MD-ის დაარსებას ჩაუყარა საფუძველი. ამჟამად, დოქტორი თაზი საკუთარ გუნდთან ერთად პაციენტის ჯანმრთელობის ფუნდამენტური პრობლემების დადგენაზე მუშაობს და გაჯანსაღების პროცესში მედიცინის მრავალმხრივ ინსტრუმენტებს: ინტეგრაციულ, ფუნქციონალურ, ჩინურ და ჰოლისტურ მიდგომებს იყენებს.
